سفر التمريض الى ألمانيا

 السفر الى المانيا

1- أولا ثم أولا وهي اللغة:

● تعتبر اللغة الألمانية من اهم الشروط

للتواصل مع المستشفيات هناك او جهات العمل عموما ولاستخراج الفيزا أيضا لذا لابد من الحصول على مستوى B1 على اقل تقدير او B2 في بعض الأماكن ولكن نادرا

وسنأتي الى دراسة اللغة بعد قليل

2- التواصل مع مراكز المعادلة:

● ثاني شروط السفر الى المانيا بالأخص للتمريض الحاصل على بكالريوس تمريض من خارج المانيا ان لازم تتواصل مع احدى مراكز المعادلة بألمانيا واستخراج الأوراق المطلوبة من بلدك وبتترجمها وتبعتها عن طريق البريد الالكتروني وده مش سهل زي منتا متوقع وانتظار الرد بالقبول ومزاولة المهنة مباشرة بعد السفر او يمكنك الحصول على معادلة وبعدها يمكنك مزاولة المهنة في المانيا

3- التواصل مع المستشفى او جهة العمل:

● وده طبعا من اهم الحاجات للسفر هناك للوظيفة على طول وهي انك تعمل مقابلة interview يعني مع جهة العمل او المستشفى وبيسألوك فيه عن خبراتك في الوظيفة والحالات المرضية اللي اتعاملت معاها وبيبقا يعتبر الغرض الرئيسي من المقابلة دي هي انهم يقيسوا نسبة تفهمك وابجادتك للغة الألمانية اللي تعتبر زي ما قولنا عامل رئيسي واساسي للتعامل مع المرضى هناك

4- استخراج فيزا العمل وعقد العمل:

● وده طبعا بعد ما تستوفي الورق اللي كان مطلوب منك وبعد قبولك في جهة العمل اللي انت اتقبلت فيها

* دراسة اللغة الألمانية:

● أولا تعلم اللغة الألمانية زي باقي اللغات لازم تكون عارف الجوانب والقواعد اللغوية عشان تبقا مميز فيها .. اللغة الألمانية بيبقا ليها 3 مستويات رئيسية A,B and C وكل مستوى بيبقا منقسم الى قسمين A1,A2 B1,B2 C1,C2 وزي ما قولنا ان المانيا بتبقا محتاجة B1 فقط للسفر والعمل بها وفي بعض الأحيان A2 ولكن هتكمل تعليم اللغة هناك

● بامكانك دراسة اللغة الالمانية في المانيا او في بلدك وبحكم ان السفارة الالمانية في معظم الدول العربية بتطلب منك مستوى معين بيختلف من سفارة للتانية ف انت ممكن تبدأ بدراسة جزء من اللغة في بلدك عشان توصل للمستوى اللي بتطلبه السفارة الالمانية لاصدار فيزا الدراسة في المانيا ليك وهو في الاردن، العراق، فلسطين، السعودية، الامارات العربية المتحدة، البحرين، الكويت، قطر، عمان، مصر، المغرب، الجزائر، ليبيا، ولبنان بيبقا المستوى الثالث B1 وهو المستوى المطلوب لدخول السنة التحضيرية الا انك ممكن تكمل دراسة مستوى B2 و C1 او على الاقل B2 وحده قبل الدخول الى السنة التحضيرية في المانيا.

● في كذا شهادة وامتحان معترف بيهم ومهمة جدا للغة الألمانية واللي من خلالها بيتم الاعتراف بيها انك متقن للغة ومنها: الامتحانات لجميع المستويات من A1 الى C2 الصادرة من معهد ÖSD و Goethe institute وشهادات ال telc وشهادات ال DSH وTestDaf وهنشرح كل واحدة بالتفصيل.

امتحانات Goethe Institute و ÖSD (لم تحصل على الشهادة؟)

● يقيم كل من ÖSD و Goethe institute امتحانات لجميع المستويات من A1 الى C2 بشكل دوري في معظم الدول العربية ويمكنك التقدم لهذه الامتحانات سواء كنت بتدرس عندهم او بتدرس في معهد او مكان تاني مقابل رسوم للامتحان طبعا وممكن تعيد الامتحان في حالة لو منجحتش باجتيازه او لو عاوز تحسن نتيجتك.

● بتتكون الامتحانات دي من 4 اجزاء، اختبار القراءة، اختبار الكتابة، اختبار الاستماع، واختبار التحدث.

● وتطلب السفارة الالمانية احد هذه الشهادات بشكل حصري في معظم الدول العربية لاثبات مستوى كفائة اللغة الالمانية قبل اصدار فيزا الدراسة في المانيا، وتعترف جميع الدوائر الحكومية والجهات الخاصة والمعاهد بهذه الشهادات لاثبات مستوى اللغة الالمانية.

امتحانات ال telc (يمكنك التقديم من اي مكان)

● هي امتحانات موجودة في عدة دول الا انها للأسف مش متوفرة في الدول العربية بشكل رسمي وتشمل عدة امتحانات لاكثر من 10 لغات. وبالنسبة للغة الالمانية فان الامتحانات موزعة على جميع المستويات وممنهجة بنفس الطريقة وده هيخلي الطالب يحضرلها بسهولة وكمان بتقدم امتحانات خاصة ببعض المهن كالطب والتمريض وادارة الاعمال والعمل عموما. يمكن للطلاب التقدم للحصول على شهادة لغة المانية من telc بعد السفر للدراسة في المانيا حيث ان مراكز الاختبار متواجدة بكثرة وفي معظم المدن ومعترف بها في معظم الدوائر الحكومية والجامعات في المانيا وغيرها من الدول كما يعترف بها جميع الشركات الخاصة.

امتحان ال DSH (الامتحان الاهم)

● ده الامتحان الاشهر في المانيا وبين جميع الطلبة الراغبين والمقبلين على الدراسة في المانيا، وDSH هي اختصار( Deutsche Sprachprüfung für den Hochschulzugang). وهو امتحان بتعمله الجامعات الالمانية كل على حدة لاختبار مستوى اللغة الالمانية قبل الدخول المباشر للدراسة في الجامعة، وتقبل معظم الجامعات بامتحانات TestDaf و telc و Goethe كبديل عنه.

كيف تحسب النتائج؟

● يمكن للطلاب المتقدمين للامتحان الحصول على 3 نتائج مختلفة، وهي DSH1, DSH2, DSH3 و تعتبر نتيجة DSH3 هي الافضل وتعادل مستوى ال C2، ومطلوبة لبدء الدراسة في العديد من الكليات ككليات الطب والصيدلة وطب الاسنان وكليات الهندسة في الجامعات المرموقة وذات الترتيب العالي. وفي غالب الاحيان ممكن تعيد الامتحان مرتين عند نفس الجامعة قبل ما تبدأ الدراسة في المانيا، الا ان هنالك جامعات المانية لا تسمح بذلك.

امتحان ال TestDaf (البديل السهل الذي لا تعرف عنه)

● ده يعتبر الامتحان الأفضل بالنسبة للي عاوز يدرس في المانيا وهنذكر الأسباب دلوقتي:

1- الامتحان ده معترف بيه بشكل كامل وزيه زي امتحان DSH.

2- الامتحان ممنهج وموحد واسئلته واحدة في كل مراكز الامتحانات بتاعته في المانيا وخارجها.

3- الامتحان في مراكز الامتحان بيتعمل كل شهرين مش كل 6 شهور زي DSH.

4- بما ان الامتحان موحد ويعتبر ممنهج ف في كتب وكورسات للتحضير للامتحان.

● الامتحان مكون من 4 أجزاء قراءة وسماع وكتابة ومحادثة بالنسبة لجزء القراءة مدته 60 دقيقة ومتقسم ل3 نصوص وجزء السماع 40 دقيقة ومتقسم ل3 قطع سماعية وبعدين استراحة وبعد الاستراحة الجزء الكتابي بيبقا 60 دقيقة عن موضوع واحد فقط محدد وبعدين الجزء الشفهي او المحادثة مدته 30 دقيقة وبكده مدة الامتحان ككل بتبقا 3 ساعات و10 دقايق.

● وبالنسبة للنتائج ممكن تحصل على 3 نتائج لامتحان TestDaf وهي TDN3, TDN4, TDN5 واعلى نتيجة فيهم هي TDN5 ودي بتعادل DSH3 وممكن تعيد الامتحان بعدد غير محدد ولكن كل جامعة ليها شروطها الخاصة بالنتيجة بتاعة الامتحان ف ممكن تتواصل مع كل جامعة بشكل مباشر للسؤال عن المطلوبة للقبول بالدراسة في المانيا وفي الاختصاص اللي انت عاوزه.

مصادر لتعلم اللغة الألمانية على الانترنت قبل السفر الى المانيا

1- الفيديوهات:

● افضل مصدر على الاطلاق هو DW وده مجاني وعندهم كورسات كتيرة وبطرق مختلفة.

● وفي موقع تاني وهو memrise وبيبقا مجاني برضه.

2- تطبيقات الهاتف:

● تطبيق اسمه Duolingo وده من التطبيقات المجانية اللي هتعلمك الماني او أي لغة بسهولة جدا وبتدعم اللغة العربية.

● وبرضه في تطبيق لDW ومفيد جدا برضه ومجاني.

By: Abdo El-Qady