C.V.C & C.V.P

Tips for CVP measurement:

مبدأيا كدا (بصوت سعد الصغير) مينفعش تبقا

professional Nurse و مش عارف الفرق بين الـ CVC و الـCVP

أولا:
 الـ (CVC)central venous catheter عبارة عن قسطرة مصنوعة من الـ polyurethane أو الـسيليكون صغيرة الحجم نسبيا بحيث تكون داخل الاوردة الرئيسية ، ليها من واحد إلى أربعة lumen على حسب احتياج حالة المريض , بنركبها داخل الـ subclavian Vein  او internal jagular Vein او femoral Vein

و أيضا تسمى بـ CVL يعنى : Central venous line

امتى بنركبها ؟ (Indications) :

١- بديهيا عشان أقيس منها الـCVP اللى هو Central venous pressure و دا هنتكلم عنه
٢- لو المريض هياخد محاليل كتير فى فترة كبيرة Fluid resuscitation
٣- لو المريض هياخد Parenteral feeding
٤- لو المريض أوردته ضعيفه جدا poor venous Acces
٥- لو المري هياخد irritant drugs زى البوتاسيوم و الكالسيوم أو هياخد Vaso-active drugs/ Inotrops
٦ - لو بنسحب عينات دم بصورة دورية (كل يوم ) repeated blood testing ، هنا هنحتاجها كـ بديل اننا نشك المريض يوميا

" الـ CVC الغرض الأساسى منها تعرف الـhydration state الخاصة بالمريض "

ثانيا:
 أما بقا الـ (CVP)central venous pressure
فهو الضغط الموجود داخل الـ Right Atrium
CVP indicate the amount of blood returning to the heart by extension cardiac output

 مسمعش حد تانى يقول : هو المريض دا مركب CVP ؟ 
هتلاقى الدكاترة و التمريض بيقولوا كدا أصلا فخليك انت Professional و مميز و قول الحاجة صح 

حاجة تانى عاوز اتكلم عنها تخص الـ cardiac monitoring أو circulatory status
عاوزك تعرف انى ممكن أقيسها بطريقتين :
Invasive method :
بإختراق الجلد يعنى لازم أركب CVC أو Arterial line
و دا بيكون عن طريق قياس الـCVP
Non invasive method :
بدون اختراق الجلد
عن طريق قياس الضغط BP أو النبض P أو الـ Urine output

العناية التمريضية لمريض موصل بـقسطرة وريدية مركزية
Care of patient has a CVC :

لازم تعرف ان فى حاجة أسمها CVL bundle حاجة ثابتة كدا مثبتة علميا بنعملها لكل المرضى اللى مركبين CVC :
1- Hand hygiene
2- maximal barrier precautions
3-chlorhexidine skin antisepsis

تنضف الجلد حواليها بالكلورهيكسيدين حول الـ insertion site و دا غالبا مش موجود فبنستخدم بداله حاجة مناسبة زى البيتادين مثلا
4-optimal catheter site selection
و دى معناها اختار المكان اللى هركب فيه الـcvc بعناية عشان ميعملش نزيف او عدوى
5- Daily review of line necessity
يعنى كل يوم لازم أعمل أسسمنت و أشوف هل المريض محتاج القسطرة ولا لا و لو مش محتاجها و مش هياخد فيها اى أدوية بنشيلها عشان بتكون مصدر للعدوى

طيب أنت لو مسؤل عن مريض مركب CVC هتعمل ايه ؟

 هتعمل Check لمكان الـ insertion و تشوف لو فى haematoma أو أى signs of infection

 هتقيس الـ length بتاع القسطرة و تسجله عندك بانتظام كل يوم لو تقدر عشان من خلاله هتقدر تعرف لو القسطرة خرجت لبرا او دخلت لجوا زيادة عن اللازم

هتقيس الـCVP كل ساعتين و دا مبيحصلش فى معظم الأماكن ف أقلها مثلا كل ٦ ساعات (دا بيختلف على حسب سياسة المستشفى نفسها )

هتكتب عندك فى الـnotes أو فى فايل المريض لو أمكن كل الأدوية اللى انت أديتها فى الCVC و تكون عارف اديتها فى انهى line (كلline ليه لون) عشان بعض الأدوية مينفعش تتاخد فى نفس الـline عشان بسببوا مضاعفات 

تعمل Flush للـقسطرة بإنتظام بعد اعطاء الادوية و تشوفها patent ولا لا
observe the insertion site for s/s of infection (redness,swelling,pain,oozing)
ذكرتها فى نقطة فوق بس لازم تاخد نقطة لوحدها عشان مهمة جدا 

 هتغير الـdressing مكان الـinsertion كل 3 أيام لو هو نضيف و كويس انما لو حسيت ف اى وقت انه wet او مش نضيف هتغير علطول

 جهاز الوريد اللى هتقيس بيه هستخدمه شفت واحد بس و يترمى وتحافظ عليه كويس عشان العدوى

 لازم تستخدم Closed system أثناء قياس الـCVP و دى لازم تدخل تشوفها على اليوتيوب بنفسك عشان تفهمها كويس

 

By:Hassan El-Zuk